ဓားရိုးတစ်ခုရဲ့အယူခံ

မထင်ထားမိဘူး..

ဒီလိုရေခဲတောင်ကြီးတွေဟာလည်း
တစ်ရက်ထက် တစ်ရက် အရည်ပျော် ပြိုကျလာတတ်တယ်ဆိုတာ..

“you’re always stupid and always his” တဲ့
ဟုတ်ကဲ့
ကျမ အင်မတန် တုံးအမိုက်မဲမိပါတယ်
အဆင်ခြင်မဲ့ခဲ့မိပါတယ်..
ဒါပေမယ့် လိပ်ပြာလုံစွာလည်းရိုးသားခဲ့ပါတယ်
အမြဲ ပေးဆပ်လိုခဲ့ပါတယ်
ကျမ စေတနာမှန်ခဲ့ပါတယ်..

တံတိုင်းဆိုတာ
တစ်ရက်ထဲကာလို့တော့မပြီးဘူးလို့ သိထားပေမယ့်
ဒီတံတိုင်းကြီးကတော့ အလျင်အမြန်ကာဆီးနေပါရောလား
ဟော ဒီလို မျက်စိတစ်လှည့်အတွင်း..

သေခြင်းတရားဟာ
မော်တော်ကားတစ်စီးအဖြစ်
ကျမနဲ့ လက်တစ်ကမ်းအလို..
ပိုမိုခံစားစေလိုစိတ်နဲ့များ ကားဆရာဟာ
ဘရိတ်ကိုအချိန်မှီအုပ်လေသလား..
မိုးတွေရွာနေချိန် ကတ္တရာလမ်းမပေါ် လဲကျနေတဲ့အခါ
လှပမယ်လည်း ထင်ပါရဲ့..

ကိုယ် ပြုမူပြောဆိုသမျှ
ကိုယ်တိုင် ပြန်လည်တာဝန်ယူရမယ့်အသိနဲ့
ခပ်မတ်မတ် ကျမ ရပ်လိုက်တယ်..

ကောက်ရိုးတမျှင်အဖြစ်
အားကိုးတကြီးကမ်းလိုက်ပေမယ့်
ဓားရိုးဖြစ်နေသတဲ့…

သြော်
ဒီတစ်ခါလည်း မှားပြန်တယ်..